上湯雪菜粉絲浸九肚魚

最近九肚魚當造，大大條，肥嘟嘟，又平又靚

$20一大盤，份量多到要分兩次食呀 ~~

今次搞搞新意思，試吓用雪菜同粉絲一起煮

簡簡單單無難度

效果又出奇地夾喎，好好味呀 (雖然賣相會有啲凌亂)

屋企人都超愛這道新湯餸，連湯汁都飲埋哩~~~

豉汁排骨蒸陳村粉

一直想整呢個餸好耐

無奈屋企附近方圓三百里都無得賣陳村粉

所以一直都整唔到

最近去開紅磡，竟然被我無意中發現佢

立即二話不說買回家當晚即做

個蒜茸豆豉醬先爆後蒸特別惹味

陳村粉「索」咗啲豉汁真係正到暈

我到依家都仲回味緊哩~~~~