惹味金不換三杯雞

正宗嘅台式三杯雞入面嘅醬汁份量其實應該係醬油、米酒、麻油各 1:1:1

不過我過唔到自己嗰關，所以減少咗麻油嘅份量

而且仲額外多加一個步驟，將雞翼皮的油先煎出來棄掉

咁樣感覺上好似無咁肥(自我安慰中。。。。) 

雖然無跟足台式做法，但佢依然好香好惹味

忍唔住要多添碗飯哩 ~~~

勝瓜海鮮湯飯

呢排天氣真係熱到爆吖

簡直係他他他燒滾我，I'm on fire!!!!

咁gei情況真係做乜都無心機啦，但又想食住家飯咁點算呢？？？

哈哈，呢個時候當然係整「湯飯」啦~~~~

煲個飯，滾個湯，撈埋就食得，得咗~~

狗狗糉

最近好忙吖

搞到個blog 好耐都沒有更新哩 (雖然本來一向都係慢速更新，wahahahaha)

但係無論幾忙都好

我都會唔會忽略我家的「大爺」--- 可樂仔 --- kar ~~~~

今年我就第一次去學包糉

仲要唔係包俾人類食，而係俾可樂仔同埋佢啲汪星親戚朋友仔食吖

好在各位汪星大人都好滿意咁「收貨」，明年要再encore 哩，YEAH ~~~

記番低先，今年我整咗兩款口味，雞肉味同埋三文魚味，仲用咗南瓜、蕃薯扮蛋黃同肥豬肉添

仲有最重要最重要最重要記得：汪星人係唔食得糯米kar，所以就用咗藜麥代替，好健康哩

薑葱炒龍蝦

呢個係上星期父親節晚餐其中一個餸吖

第一次用急凍大龍蝦尾來做

起初都怕佢唔及新鮮龍蝦咁好味kar

點知原來好掂喎，肉質彈牙爽口，亦有龍蝦鮮味

店家話用咗咩速凍技術，可以將龍蝦鮮味保存得好好(我無收錢賣廣告kar)

我最like佢解凍洗乾淨後就煮得，唔使放尿斬頭之類gei 高難度動作，慳番唔少功夫，

啱哂我呢啲低手懶人哩~~~~

而且最重要係。。。。。。呢個餸簡單易做無難度，但又好似好勁咁wor，全家人也大讚好味吖！！！！！