上湯雪菜粉絲浸九肚魚

最近九肚魚當造，大大條，肥嘟嘟，又平又靚

$20一大盤，份量多到要分兩次食呀 ~~

今次搞搞新意思，試吓用雪菜同粉絲一起煮

簡簡單單無難度

效果又出奇地夾喎，好好味呀 (雖然賣相會有啲凌亂)

屋企人都超愛這道新湯餸，連湯汁都飲埋哩~~~

豉汁排骨蒸陳村粉

一直想整呢個餸好耐

無奈屋企附近方圓三百里都無得賣陳村粉

所以一直都整唔到

最近去開紅磡，竟然被我無意中發現佢

立即二話不說買回家當晚即做

個蒜茸豆豉醬先爆後蒸特別惹味

陳村粉「索」咗啲豉汁真係正到暈

我到依家都仲回味緊哩~~~~

明太子麵包醬

這個十級邪惡的明太子麵包醬

是用了細細妹從日本福岡帶回來的明太子做的

超肥超邪惡。。。。。但超級好味

用來配法國麵包，簡直係天作之合

自己做的醬，愛吃多少塗多少，好吃到停不了

會變肥? 食咗先算啦 ~~~~ hahahahahahahahaha

惹味椒鹽豬扒

呢個食譜gei重點不在於用咩嘢肉嚟整

而。係。在。於。個。椒。鹽 。

呢個椒鹽，簡直可以令一切「死物」回魂

所以就算我用咗雪藏豬梅扒嚟整

出來個效果依然正到暈，惹味好下飯

屋企人個個都食到嘴lam lam哩 ~~~~

叉燒豆角菜脯鬆

這道家常菜 "粒粒不辛苦" kar，容易做之外仲好下飯添，YUM~~~~

豆腐花撈飯

老爸老媽的年代，生活簡樸，「豆腐花撈飯」是他們的生活恩物

現在，社會物質豐富，年輕一輩可能連「豆腐花撈飯」是什麼也沒聽說過

今天，來一客簡單易做的豆腐花撈飯，感恩仍能與老爸老媽一起細味當年簡樸雋永的味道

當然，這個食譜是2016年改良版啦 :D

沙葛咸酸菜炒豬頸肉

正所謂「愛要及時，食也要合時」

依家沙葛當造，梗係要及時食吓啦

別以為沙葛有個「葛」字，便以為佢呆呆笨笨 (雖然佢外貌又真係笨笨地)

實情係佢內涵豐富 ---- 味甜多汁，爽口脆嫩，有助生津解渴，清心除煩，乜乜物物 .....

用作涼伴、炒和煮湯都得 ~~~

所以，將來如果有人話你似碌葛，其實佢係讚緊你有內涵喔 ！

今次呢個餸用咗沙葛同豬頸肉一起炒，完全沒有了油膩的感覺，再加埋咸酸菜同吃，酸酸地，辣辣地，爽爽地，過癮好下飯哩 ~~~　

香煎燒汁帆立貝

前幾日風姐「妮妲」訪港前夕

全港街市超市即時被洗劫一空 ！！！

好彩屋企「冷宮」有佳麗三千

打風先唔使怕會餓親咋 ~~~

呢個食譜勁方便易做，實在係作為「救急餸」或者伴酒菜gei 不二之選呀 ^o^

蒜泥白肉

天時暑熱

又一懶人在熱廚房求生之作 ~~~

簡易扎肉撈檬

天氣依然炎熱，整個人都心煩氣燥的

嘆番個撈凍檬，人也立時「冷靜」了不少。。。。。。

肉鬆皮蛋豆腐

今日有個超強颱風吹襲台灣，雖然幸好不會吹來香港，但係就好焗好熱，有成35度呀！

咁gei情況，真係食乜煮乜都無mood啦  >_<

之不過，夏天除咗為大地帶來颱風之外，亦會日為大地帶來冷盤 

而最重要係，呢個冷盤真係簡單易做零難度，而且好味又透心涼哩~~~~

BTW，希望個超強颱風唔好為台灣帶來人命傷亡啦。

鬼馬蠔砵

蠔砵，聽落好似好難整。。。。

但實情係相當容易！個人認為仲易過煎蠔餅哩~~~~

所以話有時啲嘢，唔試過真係唔知kar

呢個蠔砵，好味到我打緊呢個食譜gei時候仍然回味緊

順帶一提，雖然今次呢個蠔砵我用了急凍蠔來做，但係當買不到靚靚蠔仔gei時候，用急凍蠔來「頂」住先也不失為一個好方法喔！

西京燒比目魚

「西京燒銀鱈魚」係我至愛gei日本菜之一

不過在餐廳吃的話，動輒至少要$2XX一個定食，一點也不平宜哩

好彩依家識得自家製，真係可以慳番唔少$$$$

呢個食譜做出來的西京燒味道一點也不輸街上的日本餐廳喔

材料簡單又易做。。。。。最難gei反而係要等囉(因為最少要預先醃1-2日才可以焗)，不過真係值得等吓kar

今次ReBearBear雖然為咗慳更多$$$$，用咗比目魚代替銀鱈魚來做，不過效果同樣咁滑嘟嘟咁好味道，而且仲無咁肥tim~~~~

醬燒茄子鰻魚煲

逛超市買咗pack 特價日式鰻魚，再加多4條幼茄子。。。。

整咗呢個「醬燒茄子鰻魚煲」出來，簡直係 ---> 快。靚。正！

今次呢個「日本食材 + 中式煮法」，效果很不錯啊~~~

金栗白玉紅豆沙

寒流襲港呀！！！

好似話會得番5度，仲話會落雪添，總之謠言滿天飛啦

點都好，總之要小心保暖哩~~~

天寒地凍，除咗「打邊邊」之外，煮番一鍋紅豆沙暖吓潤吓都唔錯 kar

金栗 + 白玉(糯米小丸子) + 紅豆 <----呢個組合真係真係真係好鬼match 哩~~~